Les impuxibles (Barcelona)

Beuen de hònts diuèrses (dança, musica, teatre, performance...) e les honen en un lenguatge pròpi. Era pianista Clara Peya e era sua germana Ariadna son Les impuxibles, un duet que conten era poténcia dera qualitat artistica de cada ua e era armonia deth vincle que les amasse. Ara presenten Luzula, ua pèça de dança e musica de grana expressivitat e beresa. Ua proposicion sorgida dera anma, d’aqueres que voluden e revoluden, e que comuniquen des dera emocion, sense limits.

 

www.lesimpuxibles.com

Las Monacas (Pau - Occitania)

Tres votzes, tres tamborins e ua simbomba. Damb aguesti elements se presenten es tres components de Las Monacas, ua formacion dera vila de Pau dedicada as cants polifonics gascons. Dera man d’Audrey, Lucia e Sonia coneisheram un shinhau mès es cançons que s’an cantat e que se canten encara enes tavèrnes deth Bearn. Musica, dança e hèsta assegurada!

Clara Peya + MUDA: Ariadna Peya (Barcelona)

Pianista e compositora d’ua expressivitat sense limits, Clara Peya ei capabla de convertir un concèrt de piano en ua vertadèra performance. Compde damb sies disques editadi e a composat diuèrses musiques entà espectacles de teatre e dança. Eth sòn darrèr trabalh se cride Mimulus (Temps Record, 2015), era flor que mos ajude a encarar es pòurs quotidianes. Viende a descorbir eth sòn univèrs musicau, que presentarà damb era collaboracion dera dançaira Ariadna Peya!

 

www.clarapeya.com

Esther Condal (Barcelona)

I a moments que vòs atrapar, que s’escapen, com audèths a plen vòl, leugèrs e prigondament pesants, lucids. Impossibles de guardar fixament. Considerada com ua des granes votzes deth jazz catalan, Esther Condal presente es cançons deth sòn darrèr disc Bird. S’en sòn disc de debut, Home (Petit indie, 2012), mos daurie es pòrtes de casa sua entà calar-se enes arraïcs d’un passat qu’era emocion estofaue, ara en Bird ei era vida, es eveniments leugèrs, fulgurants, es que s’elèven per èster cançon.

 

www.esthercondal.com

Bel (Úbeda)

Artista multidisciplinària que barrege estils com eth pòp andalós, eth swing, eth flamenc e era percussion corporau. Despús deth sòn pas pera companhia Mayumana, presente eth disc Pasatos de Jijala (Mapa Musical, 2014), un aumenatge as sues prumères sabates de gitana, enregistrat en estudi privat de Joaquín Sabina. Eth gran sentit der umor e era interaccion damb eth public haràn, d’aguest dirècte, ua autentica experiéncia de vida e d’art.

 

www.beluniverso.com

Lu Rois (Sabadell)

Des de que debutèc damb Camí del Far (autoeditat, 2015), era cantautora e pianista Lu Rois ja s’a hèt un nòm ena scèna musicau deth país. Ara presente eth sòn nau trabalh, Cau de Lluna (autoeditat, 2016), un conjunt de cançons plees de fòrça, vitalitat e coratge, sense deishar de costat era sua doçor e sensibilitat. En dirècte, mos harà a viatjar per melodies infinites, atmosfères oniriques e passatges ipnotics.

 

www.lurois.com

Núria Graham (Vic)

Des de que presentèc era sua prumèra gravacion, Núria Graham a confirmat un talent doriu e singular entà composar e cantar pòp-ròck de perfil classic. Ara presente es cançons deth sòn darrèr disc, Bird Eyes, en qu’era sua votz vellhutada se hique en mapes sonics modèrns, inesperats, qu’entoren es cançons damb rotunditat. Pòp damb majuscules, d’ua artista capabla de crear atmosfères sonores intenses e personaus.

 

www.nuriagraham.com

The Crab Apples (Santa Eulàlia de Ronçana)

Despús de passar per conconsi com eth Sona 9, d’obtier sies nominacions as prèmis Enderrock de votacion populara, e de presentar eth sòn disc de debut, Right here (Discmedi, 2015), era joena banda valhesana arribe damb er EP e fanzine Hello Stranger (Discmedi, 2016). Ua colleccion de cançons a miei camin entre eth ròck e era musica mès atmosferica, damb bases contundentes e melodies pòp ath servici d’ues letres critiques damb era societat actuau.

 

www.facebook.com/thecrabapples

Brigitte Laverne (Barcelona)

Damb eth synthpop alternatiu com a carta de presentacion, er artista barcelonina s’a situat com ua des naues promeses dera musica electronica. Damb sonque un EP publicat, Brigitte Laverne (Foehn Records, 2015), a principis d’an formèc part deth Sónar de Reykjavík e hè dus ans siguec era unica artista der Estat espanhòl escuelhuda entà participar ena Red Bull Music Academy en Tòquio. Textures electroniques e bases envolopantes formaràn capes sonores plees de dinamisme e sensualitat.

 

www.brigittelaverne.bandcamp.com

Esperanceta (Esterri d’Àneu)

Un espectacle de “cabaret pagés”, dera man dera pobilha de casa Gassia d’Estèrri d’Àneu. Damb L’Esperanceta per un dia coneisheram ua hemna de grotèsca delicadesa qu’enamorarà ath public damb es sues viuences e era ampla saviesa. Deishatz-vos sedusir pera seva personalitat, promet èster ua experiéncia unica e irrepetibla!

Anna Rubio (Farrera)

Un talhèr entà apréner a escotar, e a construïr ua accion en moviment o dançada damb acompanhament musicau. Damb aguesta proposicion, era dançaira Anna Rubio, especialista en dança ena natura, mos auferirà era ocasion de trèir tot eth nòste bagatge personau e meter-lo ath servici deth moviment. Preparatz-vos entà ua session en qué sons, musica, còs, ment e espaci s’entrelaçaràn en ua experiéncia entà toti es sentits.

 

www.dansanatura.com

Claudia Flammin

Dançaira improvisadora francesa, Claudia Flammin cree dances ath moment a partir d’elements deth sòn entorn immediat (paisatges, sensacions, sons...). Ua metuda en scèna que vò hèr de cada segon, unic e diferent, sense directius preestablides. Arribar, descorbir e barar simultaneament.

www.cloflammin.wix.com/claudiadanseuse

Sara Arjo (Betren)

Ua petita caminada entà conéisher es plantes de montanha. Guardaram, tocaram, shomaram e escotaram legendes e istòries dera gent deth país. Mos acompanharà era biològa e divulgadora Sara Arjó, que mos mostrarà era grana riquesa patrimoniau e naturau dera Val d’Aran. Un tresòr valuós entà descorbir e redescorbir, tant entàs persones que visiten per prumèr viatge era zòna com entàs que i viuen tot er an.

 

www.verdeblu.cat

Carme Mombiedro (Salardú)

Con la conferencia "Escoltem el nostre cos?", la doctora especialista en Biología del Comportaminto y Neurociencias, nos hablarà de como gestionar mejor nuestras emociones por tal de avanzar como personas en la sociedad que nos ha tocado vivir.

Nora Muntañola (Vielha)

Comprometuda damb es hemnes deth mon, era antropològa Nora Muntañola mos harà a recórrer nòvi camins sus cooperacion e exili en Veus de dones: testimonis que construeixen nous camins.

Carmela Rodríguez (Boí)

Carmen Bonifaci (Bausent)

Ua desfilada de mòda de dues des dessenhadores e mèstres artesanes que trabalhen actuaument en territòri, e impulsen era revalorizacion dera lan aranesa. Damb ua linha pròpria de pèces en teishuts nòbles, Carmela Rodríguez presentarà era sua colleccion d’iuèrn, elaborada damb seda e lan de oelha aranesa. E, des de Bausen, era artesana Carmen Bonifaci tanben arribarà en Salardú entà mostrar-mos es sues creacions. Artesania, creativitat e sostenibilitat ath servici de productes de dessenh, utils e genuïns.

 

www.carmelarodriguez.es

© 2023 por PEQUEÑA MARCA. Creado con Wix.com